Koakelbonen

Kinnen ie de kracht van koakelbonen nait? As de schriever Bram Wiekens in t dörp lu tegenkomt, den hebben zai aaltied wel wat te vertellen. Zo'n gesprek begunt maisstieds mit: Hest t al heurd? Of: Moust es heuren! en den komt ter voak wel wat nijs of interessants. En zo is t ook goan mit t verhoal van de koakelbonen. Anjolt Broesder, zien buurman, het hom t ongeleufleke verhoal van de toverbonen op n dag oet de douken doan. Nou beleven Anjolt en zien vraauw Ketriene aaltied de vrumdste dingen. Regelmoateg goat de schriever bie heur op de kovvie en den heurt e weer zoveul verhoalen, dat e hoast nait wachten kin om ze op te schrieven. In 2008 en 2009 won Bram Wiekens de de Provinciale Grunneger Schriefwedstried voor proza. Koakelbonen is noa Oet t leven grepen Bram Wiekens zien twijde verhoalenbundel in t Grunnegs.